गुल्मी । गुल्मीदरबार गाउँपालिकामा हिजो देखि सुरु भएको चौथो अध्यक्ष कप रनिङ्ग शिल्ड प्रतियोगिता सप्पन्न भएको छ ।
विभिन्न बिधामा भएको सो प्रतियोगितामा पुरुष तर्फको ३००० मिटर म्याराथन दौडमा बडा न.४ का अनिल रजालीले प्रथम स्थान हासिल गर्न सफल भएका छ्न भने महिला तर्फ बडा न.६ कि रेजिना परियारले पहिलो स्थान जित्न सफल भएकी छ्न
यसै गरि मोटरसाइकल स्लो रेसमा बडा न.३ का किस्मत खासु प्रथम,बडा न.३ कै इश्वर घर्ती द्वितीय र बडा न.६ का नारायण प्रसाद अर्यालले तृतीय स्थान हासिल गर्न सफल हुनुभएको थियो । पुरुष भलिबल तर्फ बडा न.१ बलिथुम प्रथम भएको छ भने बडा न.२ जुभुङ्गले द्वितीय स्थान हासिल गरेको थियो भने बडा न.४ बिरबासले तृतीय स्थानमा चित्त बुझाउन परेको छ। यसै गरि महिला भलिबल तर्फ बडा न.४ बिरबासले प्रथम स्थान र बडा न.१बलिथुमले द्वितीय स्थान हासिल गरेको छ। समग्र खेलम सबैभन्दा बढी पदक जित्दै गुल्मीदरबार गाउँपालिका बडा न.४ बिरबासले यस बर्षको चौथो अध्यक्ष कप रनिङ्ग शिल्ड प्रतियोगिताको उपाधी चुम्न सफल भएको छ । उक्त कार्यक्रममा बोल्दै गुल्मीदरबार गाउपालिकाका अध्यक्ष सरोज कुमार थापाले खेलाडी र खेलकुद समग्र बिकासका लागि गुल्मीदरबार गाउँपालिकाको हरेक कुरामा साथ र सपोर्ट रहने बताउदै कार्यक्रम सफल बनाउन अहोरात्र खटने खेलकुद समिती लगायत सबैप्रति कृतज्ञता ब्याक्त गर्नु भयो।
