गुल्मी । नेपाली काङ्ग्रेस गुल्मीका सभापति तथा रेसुङ्गा नगरपालिका प्रमुख खिल्वज पन्थीले प्रधानमन्त्रीलाई ठुला जहाजका मालिकलाई साना टुइनेटर जहाज किन्ने नीति बनाउन सुझाव दिएका छन् । अरबाैं खर्च गरि निर्माण गरिएका विमानस्थलहरुमा टुइनेटर विमानकाे अभावका कारण नागरिकको जहाज चढ्ने सपना र राज्यको ढुकुटीकाे प्रयोग सहि ठाउँमा हुन नसकेको सभापति पन्थीले गुनासो गरे । आइतबार नगरपालिकामा आयोजित जाउँ हिड रेसुङ्गा अभियानकाे बिषयमा आयोजित धन्यवाद सभामा सभापति पन्थीले प्रधानमन्त्री पुष्पकमाल दाहाल प्रचण्डलाई साना जहाज किन्ने निति बनाउने कुरामा सुझाव दिदा सकारात्मक प्रतिक्रिया दिएको पन्थीले बताए ।
अहिले गुल्मीको सिमिचाैरमा नेपाल एयरलाइन्सले हप्ताको तिनपटक उडान गरिरहेकाे छ भने शनिबारदेखि हप्ताको चारपटक उडान हुने भएको हाे । नेपाल एयरलाइन्स संग थाेरै जहाज भएका कारण प्राप्त मात्रामा नेपाल एयरलाइन्सले सरकारि जहाज चलाउँन सकेको छैन । गुल्मीमा मात्र त्याे समस्या नभएर देशभरका विमानस्थलमा याे समस्या छ । देशको काठमाडौं ,भैरहवा र पाेखरामा मात्र ठुला जहाज चल्ने गर्दछन भने देशका अधिकांश ठाउँमा साना जहाज नै चल्ने गर्दछन ।
