गुल्मीको रिडीमा कार दुर्घटना हुँदा दुई जना घाइते

गुल्मी । गुल्मीको रिडीमा कार दुर्घटना हुँदा दुई जना घाइते भएका छन् । गुल्मीकाे तम्घासबाट बुटवल जाँदै गरेको lumbini BAA 0043 नं. को VENUE CAR आफै अनियन्त्रित भई दुर्घटना भएको जिल्ला प्रहरी कार्यालय गुल्मीका सूचना अधिकारी शंकर पाेखरेलले जानकारी दिए ।                                                                              उनका अनुसार, कार सडक बाट अन्दाजी ५० मिटर तल खसेको थियो । जसबाट चालक जिल्ला पाल्पा तिनाउ गाउँपालिका १ का २३ वर्षीय हेम बहादुर सारु र उक्त कारमा सवार जिल्ला रुपन्देही बुटवल उपमहानगरपालिका ४ का २३ वर्षीय अपता फलारी घाइते भएका हुन् । दुवै जनाको निधार,घाँटी, दाँया हात र शरिरको बिभिन्न भागमा चोट अवस्था लागेको छ ।                                                                                 दुवै जनाको रुरु प्राथमिक स्वास्थ्य केन्द्रमा सामान्य उपचारपछि थप उपचारका लागि पाल्पा पठाइएको छ ।