गुल्मी । गुल्मीको रेसुङ्गा नगरपालिका वडा नम्बर १३ काे दुविचाैर गाउँ स्तरमा बाटाहरु पिच भैरहेको छ । दुविचाैरकाे मुख्य बाटो सिराना घुम्ती कल्लेरि माेटरबाटाे तीन कराेडमा ढलान र पिचकाे कार्य भैरहेको रेसुङ्गा नगरपालिका नगरप्रमुख खिलध्वज पन्थीले बताए । उनले सहरमा मात्र हैन गाउँ गाउँमा नागरिकको सहज हुने तरिकाले समान तरिकाले कामहरु र बाटाहरु पिच गर्न थालिएको बताएका छन् । याे बर्ष सम्पन्न नभएको याेजनाहरु अर्काे बर्ष सक्ने गरि बजेटको व्यावस्थापन गरिएको छ धैर्य हुन नागरिकलाई उनले अनुरोध गरे । निर्माण कार्य भैरहेका ठाउँहरुमा स्थानीय नागरिकले अवलोकन गरि निर्माण कार्यकाे गुणस्तरीय कार्य गर्न सहयोग पुग्ने र गुणस्तर हिन कामहरु गरेको देखेमा सराेकारवलालाइ जानकारी समेत गराउँन उनले आग्रह गरे ।
