गुल्मी । सत्तारुढ दल नेकपा एमाले राष्ट्रिय युवा संघ नेपाल, गुल्मीको अगुवाइमा गणतन्त्रको पक्षमा मोटरसाइकल र्याली प्रदर्शन गरिएको छ । नेकपा एमालेको साङ्गठनिक गतिविधिलाई सशक्त बनाउन, जनताबीच पार्टीको सन्देश पुर्याउन र गणतन्त्रको विरोधीलाई खबरदारी गर्न र्याली आयोजना गरिएको राष्ट्रिय युवा संघ नेपालका केन्द्रीय सदस्य तथा गुल्मी इञ्चार्ज कपुर घिमिरेले बताउनुभयो । सबै गणतन्त्रबादी एक हुन घिमिरेले आग्रह गर्दै राजालाई आफ्नो ठाउँमा बस्न चेतावनी दिनुभएको थियो ।
र्याली युवा संघ नेपाल पार्टीका युवा कार्यकर्ता, स्थानीय नेता तथा समर्थकहरू सहभागी भएको राष्ट्रिय युवा संघ नेपाल गुल्मीका सचिब सन्दिप खत्री क्षेत्रीले बताउनुभयो । मोटरसाइकलमा पार्टीको झण्डा फहराउँदै एमालेको पक्षमा नारा लगाउँदै गणतन्त्र विरोधीलाई खबरदारी गरेका थिए ।
गणतन्त्र विरोधीहरूले गरेको हत्या हिंसाको सबै तिरबाट निन्दा भइरहेको राष्ट्रिय युवा संघ नेपाल गुल्मीका अध्यक्ष कृष्ण आचार्यले बताउनुभयो । साथै जनतालाई तस्र्याउने काम राजावादीलाई नगर्न उहाँले आग्रह गर्नुभएको छ ।
