गुल्मी । गुल्मीमा आगोलागीबाट घर गोठ जलेर नष्ट भएको छ । जिल्लाको इस्मा गाउँपालिका वडानम्बर- १ जुकेपानी निवासी कमला कुँवरको घर गोठ जलेर नष्ट भएको जिल्ला प्रहरी कार्यालय गुल्मीका प्रहरी निरीक्षक भुपेन्द्र थापाले बताउनुभयो ।
शनिबार दिउँसो निस्दिखोलाको जङगलबाट सुरु भएको आगो खरबारी हुँदैघरमा पुग्दा क्षति भएको थियो । आगोलागीबाट कुँवरको ढुङगा माटोले बनेको टिनले छाएको २ तले कच्ची घर र ढुङगा माटोले बनेको १ तले कच्ची गोठमा जलेर पुर्णरुपमा नष्ट भएको छ ।
आगोलागीबाट घर भित्र रहेको सम्पुर्ण सामान जलेर गोठमा रहेको ४ ओटा बाख्रा, २ ओटा भैसी, २ ओटा कुखुरा जली मृत्य भएको प्रहरी निरीक्षक थापाले बताउनुभयो । मानबिय क्षती केही नभएको,उक्त आगलागीबाट अन्दाजी २२ लाख बराबरको क्षति भएको प्रहरीले जनाएको छ ।