गुल्मी । गुल्मीमा मापसे गरि आफ्नै छाेराले बुबाको कुटपिट गरेका छन् । जिल्लाकाे गुल्मीदरबार गाउँपालिका-२ झिरबासका ६० वर्षीय टीकाबहादुर घर्तीमगरलाई आफ्नै छाेरा ३२ वर्षीय नगेन्द्र घर्तीमगरले कुटपिट गरेको जिल्ला प्रहरी कार्यालय गुल्मीका प्रमुख प्रहरी उपरीक्षक नवीन किशोर प्रधानले जानकारी दिए ।
प्रहरीका अनुसार, शनिबार साँझ साढे ६ बजेको समयमा घरायसी विवादमा कारण छाेराले बुबालाई दाउरा प्रहार गरेका थिए । दाउरा प्रहारबाट टाउको देखि मुनि आखिभौँ नजिकै र दाहिने खुट्टामा चोट लागेको छ । उनको अवस्था मध्यम रहेको छ ।
घाइते बुबाको गुल्मीको गुल्मी अस्पतालमा सामान्य उपचार पछि थप उपचारको लागि बुटवल पठाइएको छ । छाेरा नगेन्द्रलाई प्रहरीले दाउरासहित नियन्त्रणमा लिएको छ ।
बुबा र छाेरा दुवैले मापसे गरेको प्रहरीकाे अनुसन्धानबाट खुलेको छ । घटनाबारे थप अनुसन्धान भइरहेको जिल्ला प्रहरी कार्यालय गुल्मीले जनाएको छ ।
