गुल्मी । गुल्मी जिल्लामा यो वर्ष मनसुनको समयमा बाढी र पहिरोबाट उच्च जोखिम रहने अनुमान गरिएको छ। जिल्लाका २ नगरपालिका र १० गाउँपालिकामा पहिरोका १४४ र बाढीका ६१ गरी कुल २०५ स्थान सम्भावित विपद् जोखिमयुक्त क्षेत्रका रूपमा पहिचान भएका छन्।
जिल्ला प्रशासन कार्यालय गुल्मीका सूचना अधिकारी हरिप्रसाद गैरेका अनुसार, बाढी र पहिरोको जोखिमबाट २२ हजार ४७२ जना प्रभावित हुने अनुमान गरिएको छ। जोखिम मूल्याङ्कन स्थानीय तहहरूमार्फत गरिएकामा जिल्ला विपद् व्यवस्थापन समितिमा पेश गरिएको छ।
स्थानीय तहअनुसारको जोखिम क्षेत्र विवरणः
रेसुङ्गा नगरपालिका
- बाढी: वडा नं. ४ र १४ का नदी किनार
- पहिरो: वडा नं. ३, ६, १० र १४ को रातामाटा क्षेत्र
मुसिकोट नगरपालिका
- बाढी: समुन्द्रे, कालिरह, ठेलावगर, कुनौटा, झेंदी, दिगामचौर, सिमलचौर, भुकुवा, लौरेसिमल, सुदी
- पहिरो: सिम्ले, जवाङ्ग, रङ्गनम, मुरले, दरबारटोल, तोलादी, दजाकोट, अमलाबोट, आटियार, माझगाउँ, गुर्जाङ्ग, कल्लेनी, पौसियार, बसेरी, रुक्से, डासिकोट
सत्यवती गाउँपालिका
- बाढी: चोरकाटे, उल्लीखोला, साहघाट, रुद्रबेणी, लुम्दीखोला
- पहिरो: ठूलोलुम्पेक, चेहेमी, लिम्घा, हँसरा, अस्लेवा
मदाने गाउँपालिका
- बाढी: सिर्सेनीको तल्लोभेग
- पहिरो: अग्लुङ्ग–निपाने, ओख्लेदह, रघवाफेदी, पैयापाटा, झ्यानपानी, बाँझकटेरी क्षेत्र, म्यालपोखरी, मलागिरी, पुर्कोटदह, भनभने लगायतका धेरै बस्तीहरू
छत्रकोट गाउँपालिका
- बाढी: सिस्ने, उल्लिखोला, चोरकाटे, हर्दिखोला, तारुख, अगाहा, बेलघारी, मनभाक, सेङ्गदी, बुछुङ्दी, बलेवा, पौवा, अर्चले
- पहिरो: फुत्तुङ्ग, सत्यवती, कोटाग्दी, टुनिखर्क, चुरचुरे, बुटिल, मथुरे, काभ्रे, दुम्सिकोट, हर्दिनेटा, कालिकानगर क्षेत्र आदि
रुरुक्षेत्र गाउँपालिका
- बाढी: रिडी–साहघाट, खैरेनी–उल्लिखोला
- पहिरो: रिडी बजार, रिमुवा
कालीगण्डकी गाउँपालिका
- बाढी: कालीगण्डकी नदी किनार
- पहिरो: पुर्तिघाट
गुल्मीदरबार गाउँपालिका
- बाढी: छैन
- पहिरो: दरबार देविस्थान, बलिथुम
इस्मा गाउँपालिका
- बाढी: पनाहाघाट, सिमाहाघाट, रोदीखोला, निस्तीखोला, अरौदीखोला, छल्दीखोला
- पहिरो: वहुवा, अंगारे, कडेनी, हस्तिचौर, जुकेपानी, रातडाँडा, दोवाटा, सिर्सेपानी, बोरापानी
मालिका गाउँपालिका
- बाढी: छल्दीखोला, हुलखोला, घमिरखोला, दुनामखोला, भ्यागुतेखोला, मोठखोला, अर्जेखोला
- पहिरो: नेटा, म्याल, जुकेना, परिछारे, आठमिरे, तातापानी, कमिरेडाँडा आदि
धुर्कोट गाउँपालिका
- बाढी: वडा नं. ५ र ३ का नदी किनार
- पहिरो: नयाँगाउँ, गोपे, रातामाटा, अजमिरकोट
चन्द्रकोट गाउँपालिका
- बाढी: कालिकानगर, श्रीलंका टोल, मजुवा, कालाबगर, हुग्दीखोला, हरेवाखोला
- पहिरो: सराङ्ग, दह, करौदीप, पदमखानी, गैरीडाव, काउले, पेक्सर, मसरा, सोमरा, खादीकोट आदि
सतर्कता र पूर्वतयारी
निमित्त प्रमुख जिल्ला अधिकारी हरिप्रसाद गैरेका अनुसार, मनसुनजन्य विपद् जोखिमबाट नागरिकहरू चनाखो बन्नु आवश्यक छ। जोखिम भएका स्थानका बासिन्दालाई सम्भावित घटना देखिएमा सुरक्षित स्थल-जस्तै खुला चौर, विद्यालय, खाली भवन आदि मा सर्न आग्रह गरिएको छ।
जिल्ला प्रशासन कार्यालयले विपद् पूर्वतयारी तथा प्रतिकार्य योजना अनुरूप जोखिमयुक्त क्षेत्रहरूको सूची तयार गरी जिल्ला विपद् व्यवस्थापन समितिमा पेश गरेको हो।
