गुल्मी । गुल्मीदरबारको स्कार्पियाे गाडी अर्घाखाँचीमा दुर्घटना हुँदा तीन जना सामान्य घाइते भएका छन् । दाङबाट फर्कने क्रममा गुल्मीको गुल्मीदरबार गाउँपालिकाकाे लु १ झ ४२५ नम्बरकाे स्कार्पियाे गाडी अर्घाखाँचीकाे पाणिनी गाउँपालिका अन्तर्गत नरपानी र घुम्तीकाे बीचमा दुर्घटनामा भएको हो । गाडीमा सवारी चालक हिमाल राना, गुल्मीदरबार गाउँपालिकाका कार्यवाहक अध्यक्ष तथा वडा नम्बर ७ का वडाध्यक्ष प्रवक्ता शालिकराम टण्डन र अर्घाखाँचीकाे छत्रदेव गाउँपालिकाका प्रवक्ता कमल पाैडेल सवार रहेका थिए । प्रहरीका अनुसार घाइतेकाे अवस्था सामान्य छ । उनीहरूकाे अर्घाखाँची अस्पतालमा उपचार भइरहेको छ । गाडी सडकबाट करिब तीन सय मिटर तल खसेको थियो । दाङमा गाउँपालिकाका प्रवक्ताहरुका लागि स्थानीय सरकार संचालन सम्बन्धी दुई दिने अभिमुखीकरण कार्यक्रम सहभागी भएर फर्कने क्रममा सवारी दुर्घटनामा परेको हो ।
