गुल्मी । नेता कार्कीद्वारा गुल्मीको रेसुङ्गा स्थित गर्जुरा क्षेत्रमा फूलका बिरुवा राेपिएकाे छ । नेकपा माओवादी केन्द्रका पूर्व गुल्मी जिल्ला इन्चार्ज बिरबहादुर कार्कीले फूलका बिरुवा राेपिएकाे हो । जिल्ला समन्वय सदस्य गुल्मीका सदस्य समेत रहेका नेता माओवादी कार्की निजी लगानीमा ३२ अगरगण्डा नामक फूलका बिरुवा गर्जुरा सडक छेउमा राेपेका हुन् । रेसुङ्गालाई हराभरा बनाउन, सुन्दर बनाउन र हरियाली वातावरण जाेगाइराख्नका लागि आफैं त्यस क्षेत्रमा पुगेर फूलका बिरुवा राेपेकाे कार्कीले बताए । उनले सबै मिलेर प्रकृतिकाे संरक्षण गर्नुपर्ने भन्दै आफूले सडक छेउमा साैन्दर्यताका लागि फूलका बिरुवा राेपेकाे बताएका छन् । कार्की रेसुङ्गा मदाने जडिबुटी तथा कृषि उत्पादन प्रशाेधन प्रा.लि. का संचालक हुन् । उनले विभिन्न फलफूल, जडिबुटी तथा अन्य बिरुवाहरु उत्पादन र बजारीकरण गर्दै आएका छन् ।
