लड्दै छु समयले घरिघरि चुनौती पठाएको छ,
जिन्दगीले जिन्दगी जिउने कला सिकाएको छ ।
बगरका पत्थरहरूलाई कति चोट लागे होला,
उसले अझै पत्थर हुनुको भूमिका निभाएको छ ।
धेरै फरक हुदो रहेछ मान्छे मान्छे बिचमा पनि,
धनी र गरिबको भिन्नता पैसाले देखाएको छ ।
जवानी लुट्यो तिमीलाई खुसि थपिदिन्छु भन्नेले,
विकल्प खोजेर मनले मनमा बार लगाएको छ ।
दुनियाँ रूहाउँन सक्छ लास जलेको कथाले,
म जलेको यथार्थले आफ्नालाई हँसाएको छ ।
✍️सम्झना गिरी
