गुल्मी । गुल्मीमा गुल्मी जिल्ला पराजुली समाजको नयाँ कार्यसमिति गठन भएको छ । भेलाले घनश्याम पराजुलीको अध्यक्षतामा १३ सदस्यीय जिल्ला समिति गठन गरेको छ ।
जसको उपाध्यक्ष तोयनाथ, सचिव धर्मराज, कोषाध्यक्ष टोपलाल, सदस्यहरु टेकहरी, तुलसा, रोक प्रसाद, मुक्तिराम, पुर्ण, रिता र बिष्णु रहेका छन् । जसमा दुई सदस्य पछि मनाेनित गर्नेगरी रिक्त छन् । पराजुली समाज गुल्मीको वंशावली किताब पनि यसअघि नै तयार भइसकेको छ ।
उक्त कार्यक्रममा पराजुली वंशका थुप्रै व्यक्तिहरु र लुम्बिनी प्रदेशका पूर्वसदस्य साथै पाल्पा जिल्लाका अध्यक्ष हरि पराजुली र जिल्ला समन्वय समिति गुल्मीका पूर्वप्रमुख लक्ष्मण पराजुलीको सहभागिता थियो ।
कार्यक्रममा नवनिर्वाचित अध्यक्ष घनश्याम पराजुलीले छरिएर रहेका पराजुलीहरूलाई एक्यबद्धता बनाउने अभिप्राय र आफ्नो धर्म संस्कृतिको रक्षा गर्ने उद्देश्य पूरा गर्ने प्रतिबद्धता व्यक्त गरे ।
