गुल्मी । लुम्बिनी प्रदेशस्तरीय मुख्यमन्त्री कप पुरुष भलिबल प्रतियोगिता–२०८१ सन्धिखर्कमा शुक्रबार सम्पन्न भएको छ । खेल प्रतियोगितामा गुल्मी प्रथम, पाल्पा द्वितीय, नवलपरासी तृतीय र अर्घाखाँची चौथो भएका छन् ।
मंगलबारबाट अर्घाखाँचीकाे सन्धिखर्क टुँडिखेलमा सञ्चालन भएको खेलमा बाँकेबाहेक लुम्बिनी प्रदेशका ११ जिल्लाले भाग लिएका थिए । भलिबल प्रतियोगितामा प्रथम हुने गुल्मीलाई लुम्बिनी प्रदेशका भौतिक पूर्वाधार विकासमन्त्री भूमिश्वर ढकालले नगद १ लाख, ट्रफी र मेडलले पुरस्कृत गरे ।
पाल्पाले ६५ हजार नगद पुरस्कार, ट्रफी र मेडल, नवलपरासीले ३५ हजार नगद, ट्रफी र मेडल र अर्घाखाँचीले १५ हजार नगद पुरस्कारसहित ट्रफी र मेडल पाएको छ । कान्तिपुरबाट साभार
