अनिल खत्री, गुल्मी । नयाँ शान्तिदिप युवा क्लबको २६ औं वार्षिकोत्सबमा खेलसँगै साँस्कृतिक कार्यक्रम हुने भएको छ । ‘विकास अनुशासन गतिशीलता, युवाहरुको प्रतिवद्धता’ भन्ने मुल नारालाई आत्मसात गुल्मीको मदाने गाउँपालिका पुर्कोटदहमा वार्षिकोत्सबकाे अवसरमा शान्तिदिप युवा भलिबल रनिङ्गशिल्ड प्रतियोगिता गरिने भएको छ ।
नयाँ शान्तिदीप युवा क्लब मदाने गाउँपालिका वडा नम्बर ६ पुर्कोट दह गुल्मीले आफ्नो २६ औं वार्षिकउत्सवको अवसरमा विभिन्न कार्यक्रम गरि मनाउन थालेको हो । माघ १६, १७, १८ र १९ गते गरि जम्मा चार दिन सम्म हुने कार्यक्रममा विभिन्न खेलकुद तथा सास्कृतिक कार्यक्रम गरिने क्लबका सचिब सुरेश कुँवरले बताए ।क्लबले बिगतमा पनि यस्तै कार्यक्रम गरि वार्सिकउत्सव मनाउने गर्दथ्यो । विभिन्न कार्यक्रम मध्य ठूलो राशिमा खुल्ला पुरुष भलिबल प्रतियोगिता राखिएको छ । जसमा प्रथम हुनेले नगद ५१,१११ सिल्ड ,मेडल र प्रमाणपत्र प्राप्त गर्नेछन । त्यसैगरी दोस्रोले ३१,१११ र तेस्रोले २१,१११ प्राप्त गर्ने छन् । खुल्ला महिला भलिबलमा बिजेताले २१,१११ र उपबिजेताले ११,१११ नगत प्राप्त गर्नेछन् ।
कार्यक्रममा खुल्ला ब्याडमिन्टन प्रतियोगिता पनि आयोजना गरिएको छ जसमा बिजेताले ११,१११ र उपबिजेताले ५,१११ प्राप्त गर्ने कुवँरले बताए । साथै कार्यक्रममा राष्ट्रिय स्थरका तथा स्थानीय कलाकारको पनि प्रस्तुति रहने बताइएको छ । कार्यक्रमलाई सभ्य र भब्य पार्नको लागि सबैको साथ रहेको र कतिपय ठाउमा कार्यक्रमलाई हौसला दिने सबैलाइ निम्ता गरिएको छ । पत्र नपुगेको ठाउमा यसै सुचनालाइ आधार मानि उपस्थिति हुन तथा कार्यक्रममा नबुझेको कुरा थाहा पाउनको लागि अध्यक्ष बिनोद सेन ९८६००५९१५७ सचिब सुरेश कुवर ९८५७०८९२१४ मा फोन गर्न सकिने बताईएको छ ।
