गुल्मी । गुल्मीको रेसुङ्गा नगरपालिका वडा नम्बर ७ मा एक दिने नेतृत्व विकास कार्यक्रम सम्पन्न भएको छ । रेसुङ्गा नगरपालिका वडा नम्बर ७ काे आयोजना र सुसम मिडिया प्रालिको सहकार्यमा कार्यक्रम सम्पन्न भएको हाे ।
कार्यक्रममा नेपाल पत्रकार महासंघ गुल्मीका पूर्व अध्यक्ष जनार्दन घिमिरे र रेसुङ्गा बहुमुखी क्याम्पसका प्रध्यापक गुणानिधि शर्माले नेतृत्व विकास ,आत्मा विस्वास,उद्घाेषण लगाएतका बिषयमा तालिम प्रदान गरेका छन् ।
पूर्व अध्यक्ष घिमिरेले कार्यक्रम उद्घाेषण गर्ने कसरी भन्ने बिषयलाई बढि जाेडेका थिए । उनले अगाडि गएर धेरै मानिसको अगाडि बाेल्दा डर किन लाग्छ र कसरी ढुक्क संग कार्यक्रममा बाेल्न सकिन्छ भन्ने बिषयमा जानकारी गराएका थिए ।
प्रध्यापक शर्माले आफुले आफुलाइ विस्वास किन गर्ने महिलाहरु किन पछाडि परेको लगाएत बिषयमा प्रशिक्षण दिएका हुन । कार्यक्रममा जिल्ला समन्वय समिति गुल्मीका प्रमुख दोणा बहादुर खत्रीले महिला नेतृत्व र महिलाकाे विकास र विकास भन्नाले कुनु कुन क्षेत्रकाे बिकाश भएको खण्डमा हामीले विकास मान्ने लगाएत बिषयकाे जानकारी गराएका हुन । उनले समाजकाे विकासका निमित्त बाटो बन्ने भवनहरु मात्र बन्ने गरेर बिकास नहुने बताए । उनले समाजकाे विकासका निमित्त यहाँका मानिसको सकारात्मक साेचकाे विकास हुनुपर्ने बताएका छन् ।
कार्यक्रममा कार्यक्रमका सभाध्यक्ष राम्जी पन्थीले सक्रिय सहभागीताका निमित्त सबै महिलालाइ धन्यवाद दिए । उनले वडामा भएका कामको र कुनै याेजना माग गर्नुपर्ने खण्डमा महिलाले नै निवेदन सहित माग गर्नुपर्ने लगाएत अनुरोध गरे । महिलाहरु हरेक कुरामा अगाडि बढ्नुपर्ने उनले बताएका छन ।
