गुल्मी । गुल्मीको मालिका गाउँपालिकाले सञ्चालन गरेको मालिका तारा २०८० काे बिजेता मालिका ५ छापहिलेकि पायल खनाल बनेकी छन् ।
मालिका गाउँपालिकाकाे आयोजना र जनाधार मिडिया प्रालिको सहकार्यमा माघ २१ गते देखि सञ्चालन भएको मालिका तारा कार्यक्रमकाे हिजाे फाइनल अडिसन अर्खाबाङ ठुलिचाैरमा सम्पन्न भएको हाे ।
गाउँपालिका भित्रका सबै वडाबाट १४ जनालाई सेमिफाइनलमा लगिएको र टप ६ जनालाई फाइनल राउण्डमा लगिएको मुख्य जर्ज रास्ट्रिय कलाकार सन्तोष केसीले बताएका छन् ।
फाइनल पुगेका ६ जना मध्य एक जना मालिका तारा २०८० र एक जना उपविजेता बनेकाे उनले बताएका छन् । उपविजेता बन्नेमा मालिका ३ हवाङ्दिकि सुस्मिता बुढा मगर रहेकी छन् ।
मालिका तारा २०८० बनेकी छापहिलेकी पायल खनालले नगद रु २५ हजार जितेकी छन् भने उपविजेता सुस्मिता बुढा मगरले १५ हजार जितेको मालिका गाउँपालिका प्रमुख प्रशासकीय अधिकृत बिकास खनालले बताए । मालिका तारा २०८० बनेकी खनालले रास्ट्रिय कलाकार सन्तोष केसीको गितमा आबाज दिने छन् ।
