गुल्मीमा पहिरोले घर पुरिँदा एक जना घाइते, पहिरोले अधिकांश सडक अवरुद्ध



सन्तोष महतारा


गुल्मी । गुल्मीमा पहिरोले घर पुरिँदा एक जना घाइते भएका छन् । जिल्लाकाे रुरुक्षेत्र गाउँपालिका वडा नम्बर ३ ठाटीपाैवामा एक तले कच्ची घर पहिरोले पुरिँदा ४५ वर्षीया रुपा टमाटा घाइते भएकाे जिल्ला प्रहरी कार्यालय गुल्मीका सूचना अधिकारी प्रहरी नायब उपरीक्षक शंकर पाेखरेलले जानकारी दिए ।                                                                               उनका अनुसार, घाइतेको रुरु प्राथमिक स्वास्थ्य केन्द्र रिडीमा उपचार भइरहेको छ । घरका अन्य सदस्य साेही समयमा घाँस काट्न गएका थिए । पहिरोले घर पुरिँदा पुरिएको टमाटालाई प्रहरी, स्थानीय र जनप्रतिनिधिकाे सहयोगमा उद्धार गरिएको थियो ।                                                                                यतिबेला गुल्मी र आसपासका जिल्लामा लगातार भारी वर्षा भइरहेको छ । लगातारकाे वर्षाले जिल्लाका मुख्य तथा सहायक अधिकांश सडक अवरुद्ध भएका छन् । लगातारकाे वर्षाले आवतजावतमा निकै कठिनाइ भइरहेको छ ।                                                                                  जिल्ला प्रहरी कार्यालय गुल्मीका अनुसार, यतिबेला गुल्मीको रिडी-तम्घास, रिडी-रुद्रवेणी-खैरेनी-इन्द्रेगाैैंडा र तम्घास-छल्दी-सिमलटारी सडकखण्ड पहिराे र खाेलाकाे बहाव बढेका कारण अवरुद्ध छन् । सडककाे आवतजावत सुचारु गर्ने प्रयास भइरहेको छ ।

 

Jeewan and Rajan Tailors

The Star Family Restaurant

तपाईलाई यो खबर कस्तो लाग्यो ?

तपाईंको प्रतिक्रिया