गुल्मी । गुल्मीमा ६२ वर्षीय पुरुषको शव फेला परेको छ । जिल्लाकाे इस्मा गाउँपालिका वडा नम्बर १ जुकेपानीका ६२ वर्षीय ठगबहादुर रानाको शव फेला परेको जिल्ला प्रहरी कार्यालय गुल्मीका सूचना अधिकारी प्रहरी नायब उपरीक्षक शंकर पाेखरेलले जानकारी दिए । उनका अनुसार, ठगबहादुर राना गत जेठ ३२ गते बिहान घरबाट खेतमा जान्छु भनि हिडेकका थिए । तर, उनी घर नफर्किएपछि खाेजी कार्य गरिएको थियो । उनी गुल्मीको मुसिकोट नगरपालिका वडा नम्बर २ टारीडाँडाका पाटा स्थित खेतको पाखामा मृत अबस्थामा फेला परेका थिए । घटनाबारे थप अनुसन्धान भइरहेको जिल्ला प्रहरी कार्यालय गुल्मीले जनाएको छ ।
