जिल्लास्तरीय १४औँ राष्ट्रपति रनिङ शिल्ड प्रतियोगिता सम्पन्न



अनिष पन्थी


गुल्मी । गुल्मीमा जिल्लास्तरीय १४औँ राष्ट्रपति रनिङ शिल्ड प्रतियोगिता सम्पन्न भएको छ । तम्घासको चिदीचौर खेल मैदानमा सञ्चालन भएको जिल्लास्तरीय राष्ट्रपति रनिङ शिल्ड प्रतियोगिता  सम्पन्न भएको हो ।

प्रतियोगितामा जिल्लाको मुसिकोट नगरपालिका प्रथम भएको छ । मुसिकोटले लगातार तेस्रो वर्ष जिल्लास्तरीय राष्ट्रपति रनिङ शिल्ड कब्जा गरेको हो। मुसिकोट १७ स्वर्ण, २० रजत र २३ कांस्य गरी ६० पदकसहित प्रथम भएको जिल्ला खेलकुद विकास समिति गुल्मीका उपाध्यक्ष नारायण जिसीले जानकारी दिए।

यस्तै इस्मा गाउँपालिका नौ स्वर्ण, तीन रजत र पाँच कांस्य गरेर १७ पदकसहित दोस्रो भएको छ । गुल्मी दरबार गाउँपालिका आठ स्वर्ण, पाँच रजत र सात कांस्य गरी २० पदकसहित तेस्रो भएको छ । यसैगरी, रेसुङ्गा नगरपालिकाले सात स्वर्ण, चार रजत र १० कांस्यसहित २१ पदक, चन्द्रकोट गाउँपालिकाले चार स्वर्ण, सात रजत र आठ कांस्यसहित १९ पदक प्राप्त गरेको छ

मालिका गाउँपालिकाले दुई स्वर्ण, ६ रजत र पाँच कांस्य गरी १३, मदाने गाउँपालिकाले दुई स्वर्ण, एक रजत र तीन कांस्य गरी ६, धुर्कोट गाउँपालिकाले दुई स्वर्ण र तीन कांस्य गरी पाँच र छत्रकोट गाउँपालिकाले एक स्वर्ण, चार रजत र एक कांस्य गरी ६ पदक जितेको छ। सत्यवती गाउँपालिकाले एक स्वर्ण र एक कांस्य गरेर दुई, कालिगण्डकी गाउँपालिकाले एक स्वर्ण, रुरु क्षेत्र गाउँपालिकाले चार रजत र पाँच कांस्य गरी नौ पदक प्राप्त गरेको जिल्ला खेलकुद विकास समितिका उपाध्यक्ष जिसीले जानकारी दिए।

( Jeevan rajan

माघ २४ देखि २६ सम्म सञ्चालित प्रतियोगितामा महिला तथा पुरुष भलिबल, दौड, तेक्वान्दो, कबड्डी, हाइजम्प, लङजम्प, कराँते, उसुलगायतका खेलमा आठ सय बढी खेलाडीहरूले प्रतिस्पर्धा गरेकका थिए ।

 

तपाईलाई यो खबर कस्तो लाग्यो ?

तपाईंको प्रतिक्रिया