गुल्मी । गुल्मीबाट बुटवल जाँदै गरेको स्कार्पियाे पाल्पाको जाेर्तेमा दुर्घटना हुँदा मृत्यु भएका तीन जनाको पहिचान खुलेको छ ।
मृत्यु हुनेमा गुल्मीको रेसुङ्गा नगरपालिका-७ की ५० बर्षिया मनकला चुँदारा, पाल्पाको तानसेनका ३२ वर्षीय यम बहादुर बाेहरा (जिल्ला प्रहरी कार्यालय गुल्मीमा कार्यरत) र कास्कीको पोखरा महानगरपालिका-२५ का विनोद तिमिल्सिना (सिद्धबाबा माविमा कार्यरत) तीन जनाको मृत्युु भएको जिल्ला प्रहरी कार्यालय पाल्पाका सुचना अधिकारी प्रहरी नायब उपरीक्षक वीरेन्द्र थापाले जानकारी दिए ।
गुल्मीको तम्घासबाट छुटेको लु १ ज ४६०० नम्बरको स्कार्पियाे बुधबार बिहान पाल्पाको जाेर्तेमा पहिरो खस्दा पुरिएको थियो । घटनामा घाइतेको पाल्पास्थित अस्पतालमा उपचार हुँदैछ ।
