गुल्मी । स्वतन्त्र विद्यार्थी युनियन (स्ववियु) निर्वाचनमा गुल्मीका ११ क्याम्पस मध्ये छ क्याम्पसकाे नेतृत्व गर्दै नेपाल विद्यार्थी संघ (नेविसंघ) पहिलो बनेको छ । दुई क्याम्पसमा निर्वाचन स्थगित हुँदा समेत छ क्याम्पसकाे नेतृत्व नेपाल विद्यार्थी संघ (नेविसंघ), दुई क्याम्पसकाे नेतृत्व अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) र एक क्याम्पसकाे नेतृत्व अखिल नेपाल राष्ट्रिय स्वतन्त्र विद्यार्थी युनियन क्रान्तिकारी (अनेरास्ववियु क्रान्तिकारी) ले लिएका छन् ।
नेपाल विद्यार्थी संघबाट गुल्मीको सदरमुकाम तम्घासस्थित रेसुङ्गा बहुमुखी क्याम्पसकाे स्ववियु अध्यक्षमा सुदीप खत्री, जनज्योति बहुमुख क्याम्पस मदानेकाे स्ववियु अध्यक्षमा गंगा पन्थी, चन्द्रकाेट बहुमुखी क्याम्पसकाे स्ववियु अध्यक्षमा प्रदिप नेपाली, मानका टिकाराम बहुमुखी क्याम्पसकाे स्ववियु अध्यक्षमा बिशाल थापा, रुरु संस्कृत विद्यापीठकाे स्ववियु अध्यक्षमा मुक्तिराम पाेखरेल (मुकुन्द) र सत्यवती बहुमुखी क्याम्पसकाे स्ववियु अध्यक्षमा जमुना ज्ञवाली निर्विरोध निर्वाचित भएको नेपाल विद्यार्थी संघ गुल्मीका सचिव शिव भण्डारीले जानकारी दिए ।
त्यस्तै अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) बाट दिगाम आदर्श बहुमुखी क्याम्पसकाे स्ववियु अध्यक्षमा उषा पाण्डे निर्विरोध र रिडी बहुमुखी क्याम्पस स्ववियु अध्यक्षमा धनबहादुर कुमाल चुनावी प्रतिस्पर्धाबाट जम्मा खसेको १४ मतमा १० मत प्राप्त गरि निर्वाचित भएका छन् ।
साथै अखिल नेपाल राष्ट्रिय स्वतन्त्र विद्यार्थी युनियन क्रान्तिकारी (अनेरास्ववियु क्रान्तिकारी) बाट श्रृङ्गेेश्वर बहुमुखी क्याम्पसकाे स्ववियु अध्यक्षमा बिशाल थापा चुनावी प्रतिस्पर्धाबाट जम्मा खसेको मत १०६ मतमा ६५ मत प्राप्त गरि निर्वाचित भएका हुन् ।
यसाे त, बाँकी परमानन्द भण्डारी बहुमुखी क्याम्पस धुर्काेट र रुद्रावती बहुमुखी क्याम्पसमा निर्वाचन स्थगित भएको छ । परमानन्दमा उमेदवार मनाेनयन कै क्रममा र रुद्रावतीमा मतदानकाे क्रममा विवादित भएपछि निर्वाचन स्थगित भएको हो ।
नेपाल विद्यार्थी संघ गुल्मीका सभापति सिजन रानाले संयुक्त गठबन्धनबाटै यो सफलता हासिल गरेको बताउँदै गुल्मी जिल्लाका नाै क्याम्पसमा निर्वाचन प्रक्रिया सफल हुँदा छ क्याम्पसमा नेतृत्व लिन सफल भएको भन्दै खुसी व्यक्त गर्दै गरे । उनले नेपाल विद्यार्थी संघकाे सिङ्गो टिम र नेपाली काँग्रेस सिङ्गाे टिम मिलेर यसरी सफलता हासिल गरेको बताए ।
नेपाल विद्यार्थी संघका केन्द्रीय सदस्य झविन्द्र पाण्डेले ऐतिहासिक रुपमै मुख्य क्याम्पसकाे मुख्य नेतृत्व लिन सफल भएको बताए । उनलेे सबै निर्वाचित नेतृत्वसहित कार्यसमितिलाई बधाई दिँदै विद्यार्थीकाे पक्षमा लड्न नेपाल विद्यार्थी संघ सधैं तयार रहेको बताए ।
