गुल्मी । नेपाल तरुण दल गुल्मीले सामाजिक निराशा चिर्न युवा बहस संचालन गर्नेभएको छ । सोमबार गुल्मीको सदरमुकाम तम्घासस्थित वी.पी. स्मृति भवन पार्टी कार्यालयमा प्रेस युनियनसँग आबद्ध पत्रकारहरुसँग भेटघाट कार्यक्रम आयोजना गरेर उक्त बिषयको जानकारी गराएको हो ।
सामाजिक रुपमा चरम निराशा बढिरहेका बेला यसको खास कारण, समस्या र समाधानका लागि तरुण दल गुल्मीले युवा बहस कार्यक्रम संचालन गर्ने तरुण दल गुल्मीका अध्यक्ष भरत भलामीले बताए । ‘विभिन्न कारणले अहिलेका तरुणमा चरम निराशा छ’ पत्रकार सम्मेलनमा भलामीले भने, “निराशा चिर्न युवा बहस गर्दछौं ।” यही चैत १६ गते तम्घासमा युवा बहस गर्ने तरुण गुल्मीको तयारी छ । स्वदेशमा बसेका कर्मशील युवाहरुको सरोकार मीमांसाका लागि युवा बहसको कार्यक्रम संचालन गर्ने तयारी गरिएको हो ।
युवा बहसमा लुम्बिनी प्रदेशका आर्थिक मामिला तथा योजना मन्त्री धनेन्द्र कार्की, सामाजिक विकास मन्त्री जन्मजय तिमिल्सिना, वागमती प्रदेशका आर्थिक मामिला तथा योजना मन्त्री कुन्दनराज काफ्ले, तरुण दलका केन्द्रीय अध्यक्ष बिद्धान गुरुङ्ग, नेपाली काँग्रेस लुम्बिनी प्रदेश उपसभापति भुवनप्रसाद श्रेष्ठ, नेपाली काँग्रेस गुल्मीका सभापति खिलध्वज पन्थी, जिल्लास्थित उद्यमी, सामाजिक युवा, विद्यार्थी, युवा र महिला सहभागी हुनेछन् ।
जनमानसमा भइररहेको चरम निराशा चिर्ने र स्वदेशमै बसेका कर्मशील युवाहरुको सरोकारका बिषयलाई नीति नै परिवर्तन गर्ने गरी बहसको सुरुवात गर्ने गरी लागेको तरुण युवा नेपाली काँग्रेस गुल्मीका सदस्य तथा व्यवसायी सुदर्शन खनालले बताए । ‘स–साना तर झन्झटिला प्रक्रियाले चरम निराशा छ, व्यवसायमा समस्या त कति छन् कति’, तरुण व्यवसायी खनालले भने, “नीति नै परिवर्तन गरेर अगाडि नबढेसम्म समाधान छैन् ।” उनले अब प्रदेश र केन्द्रमा बन्ने बजेट र नीतिका लागि खास तरुण युवाका व्यवसायिक समस्या वा स्वदेशमै कर्म गर्दाका समस्याको समाधान सहितको पहिचानका लागि बहस गर्ने बताए ।
यसको अलावा तरुण दल गुल्मीले भरत भलामीको अध्यक्षतामा पुर्णता पाएको छ । जसको उपाध्यक्षमा सन्तोष थापा, राम्जी पन्थी, सचिवमा तोमलाल पन्थी, सुनिल बस्नेत सहित ३१ सदस्यीय समिति गठन भएको छ । जसको सदस्यहरुमा गिरीराज चालिसे, सञ्जय पन्थी, सरोज अर्याल, वसन्त खत्री, प्रकाश मरासिनी, बिरेन्द्र श्रेष्ठ, गुमानसिंह गुरुङ, विक्रमसिंह बुढा, घनश्याम टण्डन, किरण राजभण्डारी, बेद बहादुर विष्ट, प्रकाश जि.सी, अजय कपुर श्रेष्ठ, सुनिल पाण्डे, रमेश रसौली, बिक्रम भण्डारी, गोपाल केसी, सरोज गौतम, महाशर्मा भण्डारी, हरीप्रसाद ज्ञवाली, शैलेन्द्र पाण्डे, कृष्ण सावत, नारायण न्यौपाने, बाबुराम खड्का र कुशल श्रीस रहेका छन् ।
तरुण दल गुल्मीले सामाजिक सरोकारका बिषय अनियमितता, ढिलासुस्ती, प्रशासनिक कमजोरी, स्वास्थ्य क्षेत्र र सडक सुधार हुँदा पनि पुरानै भाडा दर कार्यान्वयन लगायतका बिषयमा पनि आवाज उठाएको छ । यस बिषयमा सुधार नभए आफूहरु थप कदम अगाडि बढाउने तरुण दलको तयारी छ । त्यस्तै नेपाली काँग्रेस गुल्मीले चैत २६ गते आयोजना गर्न लागेको तेस्रो जिल्ला सम्मेलनका लागि तरुण दलको भूमिकाका कार्यक्रम अगाडि बढाउने पत्रकार सम्मेलनमा जानकारी गराएको छ ।
