गुल्मी । गुल्मीमा घाँस काट्ने क्रममा लडेर एक जनाको मृत्यु भएको छ । जिल्ला इस्मा गाउँपालिका वडानम्बर–१ शिवालयटोल माइती बस्ने १९ वर्षकी सुजता बिक लडेर मृत्यु भएको जिल्ला प्रहरी कार्यालय गुल्मीका प्रहरी नायब (डिएसपी) उपरीक्षक शंकर पोखरेलले बताए । साथीहरुसँगै ढार खोला सामुदायिक वनमा घाँस काट्न गएकी बिक भिरबाट करिब ९० मिटर तल खसेर मृत्यु भएको प्रहरीले जनाएको छ । घटना बारे थप अनुसन्धानको लागि जिल्ला प्रहरी कार्यालय गुल्मीबाट प्रहरी निरीक्षक भुपेन्द्र थापाको कमाण्डमा प्रहरी टोली खटिएको डिएसपी पोखरेलले बताए ।
मृतक बिकको घर धुर्कोट गाउँपालिका वडानम्बर–६ किमुखर्क रहेको छ । उनि दशैंदेखि माइती घरमा बस्दै आएको प्रहरीले जनाएको छ ।
