गुल्मी । सामाजिक संजालमा ‘विप्लव नेतृत्वको नेकपाको गुल्मी-काठमाडौं सम्पर्क मञ्च माओवादी केन्द्रमा समाहित भएको’ भनी आएका अभिव्यक्ति नेकपा (विप्लव समूह) ले गम्भीर आपत्ति जनाएको छ।
पार्टीका गुल्मी जिल्ला इन्चार्ज खोमा सी र सेक्रेटरी बसन्त सीले संयुक्त रुपमा जारी गरेको प्रेस–वक्तव्यमा काठमाडौँमा गुल्मी जिल्ला सम्बन्धित कुनै सम्पर्क मञ्च नरहेको र सामाजिक संजालमा उल्लेख गरिएका व्यक्तिहरू पार्टीको कुनै पनि कमिटी वा साधारण सदस्य समेत नरहेको स्पष्ट पारिएको छ।
वक्तव्यमा भनिएको छ, “वैचारिक दिशाविहीन हुँदै माओवादी केन्द्र बदनाम भइरहेका बेला नेकपाप्रति जनताको विश्वास बढ्दै गएको देखेर सुनियोजित रुपमा भ्रम फैलाउने कार्य भएको छ।”
पार्टीले यस्ता भ्रामक र अराजनीतिक प्रचारको खण्डन गर्दै सम्पूर्ण पार्टीपंक्ति र गुल्मेली जनसमुदायलाई भ्रममा नपर्न अपिल गरेको छ।
