गुल्मी । गुल्मीमा बडिगाड खोलामा माछा मार्ने क्रममा खोलाले बगाएर एक जना किशोर बेपत्ता भएका छन् । जिल्लाको चन्द्रकोट गाउँपालिका वडा नम्बर-८ मजुवा निवासी १६ वर्षका असिम कुमाल बडिगाड खोलाले बगाएर बेपत्ता भएको जिल्ला प्रहरी कार्यालय गुल्मीका प्रहरी नायब उपरीक्षक ( डिएसपी ) शंकर पोखरेलले बताए । कुमाल आज बिहान बडिगाड खोलामा माछा मार्ने क्रममा बगाएर बेपत्ता भएका हुन् । उनको खोजी कार्यको लागि नेपाल प्रहरी र सशस्त्र प्रहरीवल ३७ नम्बर गुल्म गुल्मीबाट बिपद् उद्दार टोलि परिचालन भएको प्रहरीले जनाएको छ ।
