वीर पुर्खाले सिर्जेको हाम्रो प्यारो देश नेपाल ।
प्रकृतिले भरिपूर्ण छ, सारै सुन्दर विशाल ।।
मन नै लोभ्याउने पर्यटकीय स्थल छन् हाम्रो ।
देशको सान पनि बढाएको छ सारै नै राम्रो ।।
यो धर्तीमा जन्मिएर रगत पसिना बगाई ।
गर्नु छ कर्म अठोट लिएर नेपाल चिनाई ।।
मेरो देशको माटोमा नै अब्बल ऊर्जा छ हेर ।
असल कर्म गरेर , देशको नयाँ भेष फेर ।।
शान्तिका अग्रदूत गौतम बुद्ध जन्मिए यहाँ ।
खुसी र उमङ्गको त सीमा नै रहेन नि जहाँ ।।
अनेकौँ ज्ञानहरु छरे, बुद्धले शान्तिको निम्ति ।
उनका असल मिठा उपदेश सबै छन् किम्ती ।।
विश्वकै अग्लो सगरमाथा हिमाल प्यारो लाग्छ ।
गर्व छ मलाई धेरै, मीठो माया सारै नै जाग्छ ।।
दुःख परे पनी यहीँ धर्तीमा आशु खसाउँछु ।
देशको निम्ति मर्नै परे नि रगत बगाउँछु ।।
(१५८ औं माेती जन्मजयन्तीको अवसरमा किरण पुस्तकालय तम्घास गुल्मीको आयोजनामा भएको कविता वाचन प्रतियोगितामा सहभागी सम्झना गिरीले प्रस्तुत गरेको कविता)
