गुल्मी । काठमाडौं केन्द्रित शिक्षकहरूको आन्दोलनलाई गुल्मीको रेसुङ्गा नगरपालिकाले साथ दिँदै मागहरू यथोचित सम्बोधन गर्न माग गरेको छ । प्रेस विज्ञप्ती जारी गर्दै नगरपालिकाले शिक्षकहरू आन्दोलनमा जाँदा आगामी शैक्षिक सत्र २०८२ का शैक्षिक क्रियाकलापहरू सुरुवाती चरणमै प्रभावित हुनसक्ने भन्दै सरकारलाई शिक्षकका माग सम्बोधन गर्न माग गरेको हाे ।
रेसुङ्गा नगरपालिका प्रमुख खिलध्वज पन्थीले शिक्षकहरूले उठाएका वृत्ति विकास लगायतका मागहरू सम्बोधन गरि आन्दोलन फिर्ता र शैक्षिक गतिविधि सहजै सुचारु हुने वातावरण मिलाउन सरकार समक्ष अनुरोध गरेका छन् । ‘शिक्षाको क्षेत्र थप व्यवस्थापन हुन जरुरी छ,’ उनले भने, ‘शिक्षकको आन्दोलनमा हाम्रो साथ छ, मागहरू छिट्टै सम्बोधन हुनुपर्याे ।’
नेपाल नगरपालिका संघ लुम्बिनी प्रदेशका अध्यक्ष समेत रहेका पन्थीले संसदमा विचाराधीन शिक्षा विधेयक २०८० जारी हुनुपर्ने माग राखे । उनले विद्यालय शिक्षासम्बन्धी कानुनलाई संशोधन र एकीकरण गर्न विद्यालय शिक्षा विधेयक आवश्यक रहेकोले शिक्षकको आन्दोलनमा स्थानीय सरकारको साथ रहेको उनले बताए ।
