गुल्मी । गुल्मीमा चार महिनादेखि सम्पर्कविहीन ५९ वर्षीय पुरुष मृत फेला परेका छन् । जिल्लाको इस्मा गाउँपालिका वडा नम्बर १ का ५९ वर्षीय कुलबहादुर सुनार मृत फेला परेको जिल्ला प्रहरी कार्यालय गुल्मीका सूचना अधिकारी प्रहरी नायब उपरीक्षक (डिएसपी) चिरञ्जीवी दाहालले बताए ।
उनका अनुसार, सुनार गत कात्तिक महिनादेखि घर परिवारको सम्पर्कमा थिएनन । उनी शनिबार स्थानीय भुसकत्ता सामुदायिक जंगलमा मृत अवस्थामा फेला परेको दाहालले बताए । घरबाट केही नभनी ४ महिना अघि हिडेका सुनारको सबै तिर खोजी गरिदै आएको थियोे । सुनारलाइ घाँस काटन गएका स्थानीयले देखेपछि प्रहरीलाई खबर गरेको इस्मा गाउँपालिका वडा नम्बर १ का वडाध्यक्ष शेरबहादुर कुँवरले बताए ।
मृत फेला परेका सुनारको शव कंकाल मात्रै रहेको छ । उनको उनलेे लगाएको कपडा र जुत्ताको आधारमा घर परिवारले पहिचान गरिएको डिएसपी दाहालले बताए । घटनाबारे थप अनुसन्धानको लागि जिल्ला प्रहरी कार्यालय गुल्मीबाट प्रहरी निरीक्षक राजकुमार थापाको कमान्ड प्रहरी खटिएको छ ।
